(20/05/04am)唉,激死我呀!部電腦無啦啦壞鬼左,一開機就hand哂,機都熄唔到!成晚呆坐又無歌聽~之後開左部notebook上網喇,同嘉俊講左一陣電話,之後點知又無人online喎!四點幾阿仁online,chat chat下又訓著左都唔知...九點幾起身熄機,又訓過....

(20/05/04pm)訓到三點幾起身煮個雲吞食,又上下網咁,無啦啦個norton又話部notebook都serach到有virus=.="不過都仲上到網,但係用notebook打字都唔慣,都無咩心情玩喇...唯有係睇下電視喇,但係個心都唔係0係個電視度,個瞄腦就成日諗住個電腦幾時整得返...唉,我慣左開住個電腦,個電腦好似我身體一部份咁~我訓佢又訓,我醒佢又醒咁!日日打日記,好似咩都同佢講咁!佢同我共度生死~0係澳洲都係佢日夜陪我咋...無左佢,我都識唔到咁多朋友...我悶既時候,佢就唱歌比我聽...唉,今次佢又病左,我睇又要幫佢洗腦喇,佢又會變返咩都唔識,唔記得哂我d日記,唔記得哂我想聽果d歌,唱唔到歌比我聽,哄唔到我開心喇!好喇~我決定做返以前既我,唔可以好似呢三年幾咁,咁”林”,咩都聽日講.我要做返我自己,唔駛靠人…之後成個下晝我就無online,六點幾食左飯之後,都係頂唔順開返部機打日記喇~九點爹地返黎喇,我地去左沙田宜家睇野,之後又去左royal sport睇野.我終於買左個patella brace(護膝)喇,希望帶左之後個膝頭無咁痛喇~

(21/05/04am)上網上到六點訓左喇

(21/05/04pm)三點幾先起身,食左少少野就算嚕~今日爹地夜左返,七點幾阿妹又未返,爹地媽咪落左去買野...八點幾就落左去福彩食飯~食食下見到個人好熟口面,諗真d原來係小學果個鄭銘浩喎~我問阿妹,阿妹都話認得佢,仲話我以前同佢好熟,問我做咩唔叫佢喎=.="佢好似見唔到我,所以我無叫佢...返到屋企,嘉俊問我係唔係去左福彩食飯,原來佢又見到我@0@"我一入去福彩我就已經周圍望睇下會唔會見到佢架喇,點知佢又真係0係度!果時又唔話我聽=.=比佢見到我d醜態添!我又見唔到佢喎~之後,上下網咁,阿仁突然話佢有webcam喎,我地就玩喇~好搞笑呀,佢成日好似當個cam係鏡咁!原來佢剪左頭髮,哈哈!笑死我~之後玩到三點幾就熄電腦喇,又再繼續講電話...講講下我又無啦啦諗起d好驚既野,阿仁又仲要嚇我喎,去廁所又驚,黑媽媽~收線前佢仲要嚇我,整到我收左線仲要驚左成個鐘先訓得著=.=

(22/05/04pm)十一點幾就比媽咪叫醒左食飯喇,之後想開電腦玩一陣喇...阿媽又話我十二點幾就開,今晚要十二點就熄機喎,又話我哂佢電,又叫我交電費又叫我搬走=.="我依家無野做咋,我有錢果時我就會比返佢,哼~之後熄左機落左去整單車...三點幾返到黎又上網,五點幾又出去喇~我地去左銅鑼灣食火煱,食完都九點嚕...之後我地去左行街,因為我要睇鞋...我睇中左對鞋呀....不過又想睇下有冇其他鐘意既先買,行到十幾點喇,諗諗下可能旺角都有,都係去埋旺角先~之後就搭地鐵返屋企喇~

(23/05/04am)今晚行左好奈街好累,兩點幾見阿仁都唔搵我就訓左嚕~

(23/05/04pm)今日又訓到三點幾,阿豬打電話比我叫我落去打波...我擾攘左一陣先起身洗白白食埋野就落去喇~上次我新買果個護膝終於都可以大派用場喇,落到去個個問我"咦...嘜你對腳又傷架咩"咁~我話"唉!都傷左好奈架喇,係依家先紮住佢啫~"哈哈!之後0係球場坐左好奈,同d fd吹下水咁,發覺我都係鐘意坐0係球場,覺得好親切呀~一來又可以吹下風吹下水咁,好開心,一來又可以睇下波咁....好鬼relax架!等到五點幾終於有波打喇~拉左阿柴同河馬,對個高佬...我比佢應block 左兩球囉,好無奈~=.="我地輸左,不過個高佬就真係好波囉,射波又靚!之後又坐左一輪聽全叔講波經,又大爆前日d笑料,笑鬼死我地~之後又坐到七點先有波打,打左一場對ricky叔~嘩,我去到0度位,我都就跌喇,佢都mrak得我好緊喎~好奈無打波,成個禮拜咁滯,有今日咁既水準叫好好架喇~好彩臨尾果場同西瓜樂同樹熊一隊,雖然輸左,但係又比我攞哂四分喎,哈哈!~之後返去食飯,睇電視~then又上網,十一點幾阿仁叫我,叫完我又唔係得閒喎,問佢會唔會開cam,佢又話一陣先....

(24/05/04am)阿仁話會開cam,咁話左等佢,點知一等就等到兩點幾喇....netmeet到四點幾,佢話訓,我就打埋日記就訓嚕!