9th May. 2010

今日係一年一度既母親節.

參加左忽然一周舉辦既好媽媽盛宴, 地點係Eaton Hotel金鑽廳, 時間係12:00pm~2:30pm.

我地約好左係酒店入面等, 前一晚忽然一周已經call我講抽中我地上台玩遊戲, 初時唸住剩係媽咪上去玩, 但原來講係媽咪要同埋仔/女一齊上去玩, 咁我阿妹唔肯上去玩, 唯有我同媽咪上去啦.

我地坐好左就有工作人員埋來登記, 原來request我地2 pairs媽咪加仔/女, 但我地得一位媽咪, 咁就唯有將多左既quota比左同檯既另一pair母子參加啦.

12:20pm左右節目先正式開始, 每人有一大袋價值800元既禮物, 另外一開始第一個節目就係抽檯獎, 檯上大約14~15份禮物, 竟然抽中我係第一個可以揀禮物, 我就揀左1份三盒既東方紅雞精(勁重, 三盒有18支), 之後就抽中我阿妹, 老公, 媽咪, 爸爸等可以揀禮物, 好lucky地我地揀晒我地想要既野, 有Lip care, 防晒噴霧 + Lip care, 維他命丸 + 益生菌, 減肥爆脂set (1set 3支)等.  我地同檯另外果一家人就抽到比較後既次序揀禮物, 不過最後抽到既一個人就可以要晒檯上餘下既禮物, 大約3~4份左右.

之後就開始上菜, 食到第三味菜左右就要我地出去stand by玩遊戲, 係虎標既遊戲係玩收集檯下一D主持人指定既遊戲卡, 我地得到第二名, 獎左一set虎標產品.

後來到出面既大抽獎, 好lucky地我地六個人都抽中左2份, 有玉燕窩同數碼高清接收器.

見到Ricky生上台, 送出2份各2,000大元既板長飲食劵, 同埋卓悅送出3,000大元既現金劵, 抽到既人真係非常lucky!

節目大約3:00pm完畢, 大家都滿載而歸! ^.^

HDTV Receiver

今日抽到博士 & 山吹