2004/8/17

今日返到學校 拿拿聲係咁畫畫畫
我返去個時仲要見到區sir
幾驚佢問我尋日去左邊
好彩佢冇問 但係佢又問我亞金生向邊
都唔知點答佢
我根本唔想知 都唔想答
所以我話唔知就算
唉……區sir 醒小小當幫忙好唔好……
佢d野關我咩事
尋日番茄打比我又係咁
一問就問我你條仔點點點
又要解釋一次 煩個係……
佢死左都唔關我事啦
問咩姐問 問問問……

好彩今日畫得快 d人都未返晒已經畫好
但對比之下我間野好似唔係好靚
但都唔緊要啦~ 鬼叫wright生佢間野真係咁平凡咩
我都唔想架woo
畫晒D野我就睇小說……應該係劇本先岩……
其實睇左三分一都已經估到佢想講咩
我諗我真係睇深雪個D小說先會估唔到
太大路啦D劇情
係咁比提示 白痴都估到啦
仲要個結尾求其到咁
實在係比佢晒時間
不過算啦 我睇佢都係為左晒時間姐……
睇左一陣 就已經睇晒我未睇完既個一半
因為太多野可以飛 廢話太多啦
睇完都冇咩感覺
亞謙又話好慘
我一D都FEEL唔到佢慘
都唔出乎意料既

到左下晝 比左D野區SIR睇
好彩佢都話OK冇問題
佢同我諗既都係差唔多
唔知佢係懶得幫我改定咩啦
總之交到就算
我唔求高分既 佢肯收我就當OK
佢係咁“椅”咁我改一改
佢講完等於冇講 只係改左個方向
都係一樣姐~ 由得佢
間屋入面D野佢又冇咩點睇
所以 好快就可以做完
坐坐下又收到MESSAGE
SEND黎SEND去HEA下LOR
不過D內容真係OK無聊
不過佢係都唔比我打比佢
咁就算啦~ 都係HEA下姐
其他野 唔想諗住 唔想太快有D咩事
不過好感係有既 只係今次真係要分清楚先決定
唔想又冇FD做 佢太好 唔想負左人
我對佢必須要公平 向我未分楚之前我唔會亂黎
SEND下MESSAGE都冇傷大雅姐
我都有同MEI MEI佢地傾過
佢話我地好夾 但係……唔諗住啦
我唔想人地以為我示威 無感覺唔等於要搵過個
睇定D先開始都未遲 同佢咁耐冇見
真係有好多野同佢傾 好想同佢做返好朋友
佢令我對中學生活既回憶返晒黎
而且佢向我既中學生活 真係佔左好重既分量
只係同佢做朋友 我都好滿足

放學冇野做 去左飲野
講起尋日見到個女仔好似亞民條女 我就好嬲
再諗起亞潔佢D野 就仲嬲
我真係唔明 點解D人咁忘本
點解D人可以玩得咁盡
點解成日都怪身邊個個唔好
但又唔諗下佢其實為你做左幾多野
唔通真係要白紙黑字寫出黎睇先知咩?
點解唔用個腦諗下野?
感情唔係用黎玩
點解一定要識左第二個先覺得佢唔好
佢好唔好係唔關其他人事 點解要同人比較
人人都有唔好架啦
如果真係覺得佢唔好 點解唔可以早D同人講
返正遲早都會HURT架啦
點解唔可以散左先識第二個?
點解要咁自私 自己開心就唔理人感受
有晒後路之後先放人走
點解世界上有咁多咁既人?
比自由就去識過個 唔比自由又話管住晒
咁姐係想點呀??
真係……真係唔知可以講咩好
可能係我太老土 我真係唔明依家D人諗緊咩……
唔通真係要好冇道德咁對人 先叫UPDATE?
我諗呢D野 真係要經歷過既人先會體會得到
冇經歷過既 只會冷眼旁觀 什至不在乎
冇品D既 可能仲會笑得出
亞潔話 你唔搶人地個個 都會有人搶你個個
佢問周圍有拍拖既男仔
十個人有十個都話自己條女唔好
話想搵過個……真係不知所謂
男人……呢D咪就係男人LOR
後生既就搵過個 老左就包二奶……
新鮮感真係咁緊要咩???