英格蘭人又再覺得自己有歷來最強人馬，又再覺得自己大有機會勇奪世盃。好了踢了兩場，取得六分不失一球，但表現如何呢？

羅賓遜表演穩定，艾殊利高爾能攻能守，泰利演出上乘，費迪南終於不再犯錯，謝拉特踢回防中繼續顯出身價，防守整體上沒有問題。但攻擊就弊傢伙了。碧咸罰球時好時壞，林柏特演不出世界足球先生亞軍的風範，祖高爾插到滿地都是花但做不好基本的傳送，達寧和連濃始終經驗不夠，奧雲繼續得個講字，朗尼狀態明顯不足，跑都跑唔得快，點做滿場飛？

咦喂，好似漏左一條友／柴／竹未講喎。

唉，高治，我都唔知點形容佢好。

好記得第一次睇佢踢波係幾年前一次本土盃賽鮋直播，當時佢仲踢緊昆士柏流浪，點解咁記得果場波，因為係黃興桂做評述，興桂兄花左全場去講高治點冇用點冇用，冇腳法頭鎚身位協調膽識意識，就黎鬧埋佢樣衰咁款。興桂兄真係好煩，但當時鮋高治又真係好廢。輾轉幾年間，高治以高價轉投班霸利物浦，全英嘩然之餘佢亦都成為國家級笑柄，連作風保守鮋衛報都同大家玩下遊戲，叫讀者以高治為題作笑話，奚落得佢最啜核就算勝出。場外被人嘲笑，場內則被人咒罵，因為佢久久都未能取得入球，但奇怪的是，利物浦內佢可以壓到摩連迪斯同施斯兩位射手長居正選，然後國家隊內佢開始企穩正選位置。世盃廿三人名單，迪科爾戴倫賓特等冇份，被黃興桂形容為唔適宜踢波鮋高治則昂然入選這世界第一流的國家隊。

高治，究竟得個高字，定還是乜春？

個個期望奧雲獨挑大樑咩，高治就係熱身賽大演帽子戲法俾大家睇(不過同時又懶醒地射失十二碼：亨利，六呎，chip射十二碼，中楣底入波；高治，六呎七，chip射十二碼，按比例地射左去觀眾席)；個個掛住朗尼傷勢掛住講秘密武器禾確特咩，高治就整隻騎哩舞俾各位歎下，佢鮋舞姿比機械人軟但又比人類硬，係畸形鮋極致，但唔好理，高治舞真係全國熱跳，我學校ｄ人連贏打羽毛球都跳。情況開始有點失控。

世盃正式揭幕，來到第二戰，一路近射韃皮倒掛炒機頭鎚幫人解圍鮋高治，卻又在危急關頭扯住對手頭髮下跳頂破網，不但替英格蘭打破悶局，更把英格蘭帶進十六強，全國上下鬆一口氣。所以你話佢廖化當先鋒咩，佢又幫蜀國打贏仗喎。

開始覺得佢係櫻木花道，唔靚仔，唔好波，整古做怪，但又出奇不意嚇你一驚，俾你地笑下又點話，我係國家第一天才球員，老頭子最睇得起我，流川楓(碧咸)你食屎啦，哈哈哈哈哈！照咁睇落去，結局應該係高治係總決賽用上帝之手係門楣兩呎高以上拍個波入網，英格蘭如國民所願勇奪世盃。拭目以待。