原先今個月夾期出現問題，一心諗住都要延期至下月先聚會到～？！
但日前最終大家都夾到時間，所以就約左今日下午出去旺角到見下～！！

由於我稍後時間會去旅行，所以較多時間唔o係香港就要再夾下啦～！！
不過今次聚會之中又聽到佢地到會去玩，而且我地又計劃緊一齊去玩下～？！

當然今日同阿Ming及阿沈聚會都以簡單為主，而見面前就發生左ｄ事啦～？！
其實阿Ming原先已經book左間餐廳去食野，但中間就發生左問題而令佢嬲左～！？
最後仲要搞到連今日冇份到場o既Kris都要出手，最終我地就梗係冇去間餐廳啦～！！
事因間餐廳除左取消左我地個訂位之外，佢地ｄ職員仲用粗口鬧阿Ming呀～！！

至於今日聚會除左談及到生活同工作事宜外，重點就梗係講下感情事宜啦～！！
而Kris同埋阿Ming最近就發生左較多事情，所以今次大家都有一齊傾下嚕～！！
為左求婚同埋結婚計劃等問題原來都嘈過幾次，當然嘈完係多左了解o既～？！

而阿沈方面就繼續平穩式發展緊，不過佢就仍然唔太想俾Andy參與活動住～？！
不過今日講到關於出街問題一方面，就連阿Ming都多左唔少苦水要呻下喎～！？
事因佢就想趁放假多ｄ同Kris出街行下，但男方似乎就想留o係屋企休息多ｄ囉～！！

而下個月就係阿Ming生日啦，根據過往傳統就大家都一定會出o黎食飯慶祝～！！
但係下個月大家都各自有事情要忙，所以我地今次都盡快夾定左個期先喇～！！