2019-07-16 12:54:20亞力see

K1適應班Day2

今日到老婆湊放學。番學既時候,阿女都係十分唔接受。由屋企準備開始,唔肯拎學校既書包,行到半路要媽媽抱,到學校門口就喊,一直喊到上課室。經過琴日既教訓,今日放低佢就交比老師,推佢入課室頭也不回。離開時清楚聽到佢大喊。好淒涼。但冇辦法,一定要番學。可能因為媽媽接放學,阿女心情好。老師都有讚佢叻。我估都係為左鼓勵佢而講既。老師一定要好正面。無論如何,仲有兩日。希望佢真係有足夠心理準備去呢度番學。將來都可以開心上學。